بسم الله الرحمن الرحيم
مؤخراً شفتوني استعمل هذي المنتجات قبل ، صورتها لكم فالسناب تشات
" amalmakeup8 "
بحكم طبيعة بشرتي الدهنيه ، لاحظت هذي المنتجات كثير ريحتني وناسبتني
وبما اننا في موسم صيف وسفر ، فحبيت اشارككم هذي المنتجات وتجربتي معها ♥
EAU THERMAL by Avene :
وصلني هذا المنتج ، وهو عباره عن سبراي مويه ، من شركة قلام بوكس وكان بالتعاون من شركه "
افين ".
شركه طبيه مهتمه بمنتجات العناية بالبشره .
هذا المنتج يفوز بالنسبه لي . مدري كيف كنت عايشه بدونه ♥♥♥
صرت استبدله بالمرطب الي استعمله ، بدال ما ارطب وجهي بكريم ثلاث
مرات فاليوم
ارطب مره وحده بس ، والباقي ارش بالسبراي خلال اليوم.
سبق وجربت سبراي " افيان " شركه المويه المعروفه.
ما حبيت هذاك المنتج ، كان الشعور كاني اغسل وجهي بدون ما اجففه !
لكن مع " افين " ، الشعور مختلف
- يحافظ على توازن وترطيب البشره
- منعش للبشره ، ويعطي إحساس بالنظافه والانتعاش
- يعطي لمعة واشراقه حلوه للوجه
- يناسب البشرات الحساسه ، ويخفف من الحساسيه والاحمرار
- مناسب لبعد الرياضه
- ممتاز للصيف والسفر !!
- مناسب للاستعمال خلال اليوم ومع الميك اب " مكتوب فالتعليمات
لكن ما جربت "
موجود في الصيدليات : ادمه ، وايتس ، الحبيب .
♥♥♥
The Pore Fessional MATT RESCUE gel primer , by Benefit
برايمر جديد نزل من ماركة بينيفت
تركبيته جل !
وهذا اكثر شي شدني وحمسني اشتريه واجربه
كوني اكره إحساس برايمرز المسام السيلكونيه !
" ما
اقصد ان المنتج خالي من السيلكون ، لكن اكره الإحساس المخملي "
نقطه من البرايمر تكفي الوجه كله
يترك البشره بمنظر مات " مطفي " صحّي .
وهذا شي مهم بحيث ما يتشرب من رطوبه البشره ويخليها كانها تراب !
ما أقول انه يخفي او يخفف من شكل المسام
لكن ينعّم شكل البشره ، والفاونديشن يطلع شكله غييييررررر ♥♥♥
صحيح انه مفترض منه يترك البشره مات ، وهو فعلا يسوي كذا
لكن يحافظ على شكل الفاونديشن بنفس الفينيشنق والتركبيه.
موجود في سيفورا ، وجوه
♥♥♥
BareMinerals MATT “ lose powder “ foundation
بيرمينيريلايز ، انتجوا فاونديشن على هيئه لوس باودر !
واحدث ضجه مره كبيره
طبعا تحمست اشتريه واجربه ههههه :(
ممكن أقول انه يدخل في ليست " فوانديشناتي المفضله " ♥♥♥
الفاونديشن فل كفر بطريقه جدددااا طبيعيه ، تبين كان مو حاطه
شي
لا إحساس ولا منظر
و عالرغم من انها باودر ، لكن ما يعطي ابدا إحساس بالجفاف
منظره عالبشره بين الساتِن و
المات ، منطقه الانف الوحيده الي تدهن معاي بعد اربع ساعات تقريبا
مناسب لاستعمال يومي ومناسبات بسيطه
ممتااااز للدوام والسفر
افضل طريقه لاستعماله
kabuki buffing brush
ومتوفر هالشكل في كثير ماركات مثل : سيفورا ، آربن ديكاي ، سيقما ،
ريل تكنيكس ... الخ
وبس ، هذي المنتجات الي اخترتها لتكون مفضلاتي للصيف والسفر
لو سبق وجربتو شي منها أتمنى تدعمون البوست بتجاربكم
في حفظ الرحمن ♥♥♥
هناك تعليقان (2):
الف شكر ، الله يسعدك ��
شكرا على البوست الجميل
إرسال تعليق