بسم الله الرحمن الرحيم
شلونكم حبايبي؟؟ ♥♥♥
تدوينة اليوم تهم آكثر البنات صاحبات الشعر الفاتح " خصوصا المائل للرمادي "
و البنات الي يعانون من تغير لون الصبغه بشكل سريع ...
مؤخرا كثير نسمع عن الشامبو او البلسم البنفسجي ....
ايش فكرته ؟؟
هي عناية اضافيه في وقت الشاور للحفاظ على لون الشعر ....
اللون البنفسجي يحافظ على لون الشعر خصوصاً الاشقر ، الرمادي ، الثلجي ،،،
و برضو يكسر او "يطفّي " لون الشعر لمن يبدا يميل للاورنج !!
كلنا نكره الشعر لمن يبدا يقلب لونه ويصير محمّر او برتقالي ....
نضطر احيانا اننا نصبغ مره ثانيه ولو ان الصبغه مالها وقت طويل !!
مؤخرا صرت استعمل شامبو لوريال
Loreal Silver
Gloss protect system
♥♥♥♥♥♥♥♥♥
اولا بوضح لكم نوعا ما طبيعه شعري ،
شعري مصبوغ ، لونه تقريبا اغمق درجات الاشقر الرمادي .
مؤخرا قررت اوقف واقطع علاقتي مع الصبغات نهائيا ، فالجذور رجعت للونها الطبيعي
ونزلت تقريبا لحد اذني ، والحمدلله ومن حسن حظي انها طالت بشكل مدموج مع شعري.
نوعية شعري صارت قسمين ،
القسم المصبوغ : جاااااف
لثلاث اسباب :
الاول : من الصبغه الاخيره الي صبغتها استعملت بروكسيد قوه جدا عاليه اثرت على شعري وكآني سحبت لون ....
السبب الثاني : كنت استعمل روكتان واثر على شعري بالجفاف
السبب الثالث : صبغة " لاكمي " دمار للشعر
فالاسباب اجتعوا على بعض اثرو على شعري بشكل سلبي ...
لكن الحمدلله .
اما الجذور والقسم الغير مصبوغ ، بنفس طبيعه شعري العاديه .
♥♥♥♥♥
بحكم اني وقفت صبغات : فانا احاول بكل الاشكال ان لون شعري من تحت ما يقلب اورنج فما ابي اضطر اصبغ.
لقيت الحل ب شامبو لوريال ،،،،
زي ما انتو شايفين لونه " ازرق " صريح.
يستخدم عالشعر مره واحدة في الاسبوع ،
بيني وبين نفسي حسيت مره فالاسبوع ما تسوي شي ، لكن شفت معاه نتيجه مرررررضيه ♥♥♥
ماشاءالله من ثالث استعمال رحت جَمعه عماتي ، يسآلوني آمل صبغتي شعرك ؟؟
شعري بيّن لونه كآنه جديد ، كل اللمعه البرتقاليه والنحاسيه الي في شعري طفت!
طيب هل ينظف الشعر ؟؟
الغرض منه مو لتنظيف الشعر ، عشان كذا استعماله مره فالاسبوع
الافضل تستعملينه قبل مناسبتك مثلا مو بنفس اليوم
عشان ما تنحطين في موقف شعرك "مزيّت او مدهّن "
ما لاحظت اي اعراض سلبيه ، ولا لاحظت انه سبب جفاف اكثر لشعري
اساسا استعمل ماسكات شعر وقت الشاور فَ تؤدي الغرض .
لكن في التعليمات : ذاكرين انه قد يسبب حساسيه فيفضّل انك تجريبنه على منطقه بسيطه بالاول .
اشتريته من صالون في جزيره البنانا ، لكن اظن تلاقونه في الصالونات الكبيره عندنا
" اللي تعرف اماكن الشراء ياليت تدعمون البوست عشان الكل يستفيد ♥ "
اتمنى انكم استفدتوا
دمتم بحُب ♥♥♥
هناك 8 تعليقات:
حبيبتي شكرا جزيلا ماقصرتي 💐💐💐
استفدت كثير كثير كثير منك الله يعطيك العافيه
حاليا رجعت للون شعري الطبيعي ، تعب من الصبغات وبدأت فالعنايه من جديد 😵😭.
حبيت الريفيو
لك ❤️
Nice product
www.safezone-eg.com
Fire System solutions
حبيبتي شكرا على المعلومات انا ساكنة بالدوحة وين ممكن الاقيه ،بلييز شعري اصبح اورنج
حبيبتي شكرا على المعلومات انا ساكنة بالدوحة وين ممكن الاقيه ،بلييز شعري اصبح اورنج
حلو بارك الله فيك
حلو بارك الله فيك
إرسال تعليق