Sigma haul || مشتريات سيقما + طريقة الطلب :

بسم الله الرحمن الرحيم 

شلونكم شخباركم؟؟ ♥♥♥

جداً اعتذر عن انقطاعي عن التدوين الفتره الي فاتت لكن كنت مضغوطه

لمن شفت اني من بداية 2016 ما كتبت غير بوستين حسّيت بالتقصير!!

وجزمت اني اليوم لازم انجز واكتب لكم ♥♥♥

وجداً اشكركم لانكم ما حسستوني بهالتقصير ♥♥♥ 

مشترياتي هذي وصلتني تقريبا من اسبوعين او ثلاثه 

وتوني بس فتحتها وصورتها ، حتى ما استعملتها هههه

بعد ما اشارككم مشترياتي ، بشرح لكم طريقة الطلب ♥

SIGMA F80

الفرشه هذي كانت الوحيده الي استخدمتها من بداياتي فالميك اب ، كنت وقتها فالثنوي ولا اعرف غيرها

توزيعها خطير! كانو يحسسوني اني فنانة ميك اب وانا لسى!! هههههه

و جدا عملية : عاشت معاي خمس الى ست سنوات!♥

بعد ما جربت فرش لتوزيع الفاونديشن وتكنيكس جديده ، نوعا ما نسيتها !

لكن قبل فتره تذكرت ان كنت اوصل لنتيجه بالفاونديشن ما اوصله مع اي طريقه توزيع غيرها ، فقررت ارجع لها ♥

سعرها 24$

♥♥♥♥♥♥

فرش الوجه :

قبل ابدا بالشرح ، قبل الرقم الي عالفرشه مكتوب E  او F 

دلالة على E = eyes : فرش مخصصة للعيون 

 F = face : فرش مخصصة للوجه

لكن شخصياً ما اتقيد بآيش مكتوب او موصوف من الشركة

استخدم الفرشه حسب راحتي واحتياجي 

وهالشي طوّر من ملاحظتي بالميك اب 

نبدآ

E50 

المفترض انها مخصصة للعيون ، لكن حجمها ابدا ما يتناسب مع حجم عين آدمي!

استخدمها اما احط باودر لمنطقة تحت العين  والجبهه، او انفض باودر تحت العين .

- 16$ 

F10 

شكلي كنت بطلب فرشة تشبهها وطلبت هذي بالغلط :(

تنفع للباودر ، البلاشر ، البرونزر

- 24$

F15

المفضلة بينهم ، واللي شفتوني استعملها كثيرررر ♥

١- من افضل الفرش للهايلايت ، ولو ان حجمها شوي كبير تمنيت ان في نفس شكلها بس اصغر

٢- بعد ما انفض اي لوس باودر من الوجه ااعيد بهذي الفرشه تدمج كل شي وتخلي المنظر فوتوشوب

- 27$

♥♥♥♥♥♥♥♥♥♥♥♥

فرش العيون :

 :E35 , E38 , E40

الهوس بفرش الدمج ♥ الوظيفة وحده لكن الحجم يختلف

كل ما صغر الحجم كل ما قوى اللون 

كل ما كبر الجحم كل ما كان الدمج انعم

E38 هي المناسبه لكل احجما العيون غالبا ، لو راح تختارين وحده بس ، ارشحها لك 

- 16$ , 16$ , 18$ 

E45  : 

يمكن تكون هي السبب الاساسي لمشترياتي من سيقما! 

مهمة جدا للسموكي وكسرة العين

-14$

E30 :

قد يُستغنى عنها ، لكن لو احتجتي لون مركز في منطقه معينه ، ما يطلعه لكن غير هالفرشه 

- 14$

- هدية جات مع طلبي اقلام اكحال وفرشة 

وبس هذي كانت كل مشترياتي ♥

♥♥♥♥♥♥

طريقة الطلب :

من خلال الموقع http://www.sigmabeauty.com

- تجمعين طلباتك في السلّة باختيار ADD TO BAG

- بعد ما تنتهين من تجميع طلباتك كاملة اختاري CHECKOUT 

- راح تظهر لك فاتورة الطلب ، لو حبيتي تعدلين اي شي على طلبك 
برضو الموقع يعرض عليك هدية لو اشتريتي بملغ معين ، و شحن مجاني

- لو كان عندك كود خصم تضيفينه فالمربع ويُضاف على المجموع النهائي
غالبا هذي الاكواد يُعلن عنها فالمواسم ، مثلا الفالنتاين او الكريسمس 
" طبعا احنا مالنا شغل باعيادهم " لكن نستغل الخصم هههه

- اختاري PROCEED TO CHECKOUT لاكمال عملية الطلب 

- بتظهر لك نافذه ، لو كنتي مسجلة من قبل سجلي دخولك ، او اختاري CONTINUE AS GUEST 

 - مره ثانية راح تظهر لك الفاتورة على يمين الصفحة 
و عاليسار بيانات مطلوب بياناتك ، الي جنبها * هي المهم انك تعبينها 

اسمك الثنائي / عنوان الشحن / الدولة / المدينة / الرمز البريدي / الجوال / الايميل

- اختاري NEXT للعملية التالية
 " على فكرة موقع سيقما يشحن دايركت للسعودية ، لكن انا اشحن على بريدي الامريكي

- خيارات الشحن ، فعليا ما يفرق فاختاري ارخص شي
لكن ما انصح باختيار فري ، لان احيانا يهملون شحنتك فتتاخر او تضيع

- خيارات الدفع : لو عن طريق الفيزا او الباي بال
و برضو اختاري coppy shipping adress to billing adress  لانه ما يفرق .

- اخيرا place your order  و بكذا يكون الطلب انتهى
راح يوصلك ايميل بتآكيد الطلب 



لا اله الا الله ، استغفره واتوب اليه
دمتم بحب ♥♥♥