One Brand Review : Kat Von D ..

اهلين ♥♥♥

تتذكرون لمن وعدتكم من زمان اني بحكي كل فترة عن ماركة معينه وايش جربت من عندهم؟

انشغلت وقتها ، والحين بمناسبة افتتاح " kat von D " في السعودية ، قررت ابتدي فيها

راح احط هالنوع من المواضيع تحت فئة : one brand review  

- الماركة انشهرت مؤخراً بشكل ملاحظ ، انتجت منتجات تنافس الاجود فالسوق !
- اشهر المنتجات عندهم :
الفاونديشن ، روج لوليتا ، تاتو ايلاينر ، باليت الكونتور + الايشدو .
- في اخر سفره لي " سيفورا خارج السعودية " : اشتريت كم شغله من كات فون دي !
 في نفس يوم رجعتي كان الافتتاح ! وكان عليها عرض ، تشترين ب ٥٠٠ و تاخذين الايلاينرات كاملة!
لو كنت ادري بيفتح عندنا ما كنت شريت من برا ههههه
- ماعرف العرض متى ينتهي ......

lock-it concealer 

اول ما شفت كورنر كات فون دي في سيفورا تحولت عيوني قلوووب ♥ من زمان ابي هالكونسيلر .الي يعرفني يعرف قد ايش احب الكونسيلرات ...

قبل احكي عن الكونسيلر هذا بشكل خاص ،

بقولكم معلومة عامة : بعض الكونسيلرات بغض النظر عن تغطيتها و سهولة دمجها وهذا الشي الي الكل اظن يهتم له ويبحث عنه ،  لكن شخصيا احب الكونسيلرات الي فيها ميزة انعكاس الضوء ! تنور لك تحت العين بدون ما اضيف طبقات هايلايتر ...

- كونسيلر كات فون دي فيه الميزتين الاولى  ، تغطية ممتازه + سهوووولة فالدمج تركيبته كريمية ، ابدا مو جاف ولا يقلب باودر اشوفه مناسب لكل البشرات ، الدهنيه تحتاج تثبيت ...

عيبه الوحيد : مافيه ميزه انعكاس الضوء ... يعني على رغم تغطيته الممتازه ، ما اظن بستعمله لمناسبة ابدا ، ما راح يعطيني اللوك المطلوب .لكن هذا ما يعني ابدا انه سيء ، بالعكس 

البنات الي يحبون اللوك الطبيعي راح يعجبكم . 

في مجال المقارنة : ما يقارن بالكونسيلرات المعروفه مثل ، اربن ديكاي ، برولونق وير ماك ، ميك اب فور ايفر  ، نارسمختلف عنهم بحيث ان التركيبه ما تقلب باودر ولا تعكس الضوء ...

الدرجة الي اخذتها كانت medium 22 ، لكن راح اجيب افتح لانها غامقه علي .

------

lock-it powder foundation 

مؤخرا مستغنيه مرررره عن الفاونديشن ، وما استعمله الا يوم الجمعه ههههه

صرت استبدله ب باودر فاونديشن ، والسبب انها تعطيني تغطيه مرضيه +  ثبات بحكم ان بشرتي دهنيهاشتريت هذي الباودر عشان اقارنها ب آربن ديكاي نيكد ..

قد يكون ٩٨٪ مافيه فرق ! لاحظو الدقة فالنسبة ههههه

الفرق اللي لاحظته بس فالسعر + درجات اللون

كات فون دي ارخص .اربن ديكاي افضل في تنوع الالوان والدرجات .

مره استعملت لطلعة سريعة جهه من وجهي اربن ديكاي والجهه الثانيه كات فون دي  ، عشان الاحظ الثبات قد تكون جهه اربن ديكاي اثبت نوعاً ما ، لكن الاثنين بشكل عام ما فرقت معاي كثير 

اربن ديكاي حكيت عنها في بوست سابق  هنا

-----

lock-it foundation

رحت سيفورا مرتين ، ولا شريته المره الاولى ، ولا حتى كنت مقتنعه !اساسا شريته لامي مو لي ههههه 

كنت خايفه من الكلام الي سمعته ، وكيف  ثقيل عالبشره وكيف فل كفرج 

بالنسبه لي افضل الفاونديشن يكون منظره طبيعي عالبشره ، ما احب التغطيه العاليه الي تبين كاني لابسه ماسك وامحيت ملامحي وشكل بشرتي !

الصدق ، ما كنت متوقعه راح احب الفاونديشن ابدا !!لكن صار العكس !

الفاونديشن صحيح تغطيته فل فل فل كفر ! واول شعور لمن حطيته قلت بروح احضر زواج هههههفخم عالبشره بصراحه ....

الفنش تبعه ساتن ، وهالشي هو اكثر شي حببني فيه ، يعني عالرغم من تغطيته الا انه ساتن عالوجه فبين شوي طبيعي ! " ساتن : يعني ماهو مات (مطفي) ولا ديوي (لمعة) ، كانه منظر بشره صحية)

- المره الاولى استعملته مع نفس الباودر تبع كات فون دي  ، حلو ، لكن المره الثانيه لمن استغنيت عنها صار احلاحسيت كان وجهي باين حااااطه ميك اب وانا ما احب كذا

احب يبين اني حاطه ، لكن ما يدرون وش حاطه بالضبط هههههه

جربت استخدم فرشة ميك اب فورايفر للتوزيع و بيوتي بليندر ، الاثنين حلوين ، لكن تغطية الفرشه اععععلى هي المره الي حسيت اني بروح زواج :(

- هل يغطي التاتو ؟؟ شخصيا اعتمد على خطوات معينه عشان اخفي فيها التاتو لزبايني ، وللان ما جربته عليهم فلو جربت راح اعمل ابديت عالبوست واقولكم 

في مجال المقارنه ؟؟ لو بقارنه ب فاونديشن معروف بتغطيته مثلا : استي لودر دبل وير !بالنسبه لي هالفاونديشن كرررره !! جربت اخذ سامبل منهم وجربته اكثر من اربع مرات ، في كل مره احطه انتظر ارجع من المناسبه عشان اغسل وجهي!ما حبيت الشعور + الفنش تبعه مات ! بالرغم من بشرتي دهنيه الا انه امتص كل الترطيب الي فيهاواحس على خدودي منظر متكرمش :/ 

هذي ميزة ان فاونديشن كات فون دي مو مات ، وممكن تتحكمين فيه بانك تضيفين لوس باودر فيطفي لك المنظر مع الحفاظ على الشعور الترطيب .

----------------

euerlasring liquid lipstick : lolita 

احكي عن جمال اللون ولا الفورميلا ؟ 

تركيبة الروج ابدا ماعرف كيف اشرحها ، لكن مريحة جدا عالشفايفمات لكن مو ناشفه ، و ثااااابته !

اللون غني عن التعريف " لوليتا " اللون ما يشبه اي سواتش فالنت و مره مظلوم !

خطير خطيرويضبط على كل الوان البشرات 

---------

ink liner : trooper

ايلاينر اسود عليه ضجة مو طبيعيه ! كنت متخيله الي ما قبله ولا بعده بصراحه 

لكن اتوقع الي ما جربو تبع سماش بوكس او تارت هم اللي وصلوه للسما ! 

مش سيء ابدا !لكن مو بسهولة رسم ولا بسواد الاثنين اللي ذكرتهم ...

----

وبس هذي كانت كل المنتجات الي جربتها من كات فون دي ، اتمنى عجبتكم 
التدوينة نوعاً ما مختلفه ، حبيت ادخل مجال المقارنه عشان يوضح قصدي. لو حبيتو هالنوع من المواضيع بليز قولولي♥♥♥
واخيرا لو ملاحظين التغير فالتصوير ، قولولي شرايكم فيه ♥♥♥
دُمتم بحب ♥