oily skin cleanser/scrub : hate or like ?

بسم الله الرحمن الرحيم ،

اهلاً كيفكم ؟؟ ♥♥♥

وحشتوني  ،، انشالله كلكم بخير وصحه وسعادة ♥♥♥

خلال الفتره الاخيره ، صايره اجرب منتجين

ولاحظت تجربتي معاهم كانت حساسه جدا ، فحبيت انقلها لكم بشكل دقيق

فاعطيتها وقت وحق اكثر للتجربه

بس بوصف لكم بشرتي قبل ..

بشرتي خلال الكم شهر الي فاتو صايره حساااااسسسه جدا جدا

ما تطلع لي حبوب الحمدلله .

لكن ! تتهيج بسهوله ، احمرار وحراره بخدودي

وتطلع لي حبوب صغييييرررره تروح بعد كم يوم " تهيّج "

دهنيه ، خصوصا منطقه الانف.

حساسة جدا .

♥♥♥

Glam Glow : Supercleanse daily clearing cleanser

Mud to foam

غسول من قلام قلو

طبعا تكلمت عن ماسكات هذي الماركة من قبل فانستقرام لو حابين تقرون البوست  هنا

وكنت حابه اكثر نوع " الماسك الأبيض "

على هالاساس اخترت الغسول من نفس اللاين...

الغسول فكرته يتحول من طيني الى رغوه

يستعمل على بشره جافه ، بعدها تبللين يدك شوي وتسوين مساج ، ثم يغسل

وعلى الرغم انه مكتوب انه " daily  " ،، يعني للاستعمال اليومي

لكن حسيته مره قوي على بشرتي ، و مره الى مرتين فالاسبوع تكفي.

ينشف الدهون وينظف البشرة بشكل واضح ، خصوصا الجبهه ،الانف

مناسب للبشره الدهنيه ، ما انصح فيه للجافه

لكن فيه النوع الأزرق ، مخصص للجافه

" عندي لكن لسى ما جربته "

موجود في سيفورا .

وموجود حجم اكبر من الي اخترته.

♥♥♥

MAC mineralize : volcanic ash exfoliator

مقشر/سكرب رماد البركان من ماك

حسب ما قرآت ان الفحم " رماد البركان "

يعتبر محسّن ومنعّم للبشره.

السكرب خشن اول ما يُعصَر

لكن مع البشره المبلوله يذوووب ويصير زي الغسول الطيني.

بصراحه ماعرف اذا انا حابه المنتج او كارهته ؟

لان من كثّر ماهو فعّال

فنتيجته اما تكون مرررره حلوه ، او مره لا !

الاحظ بعد استعماله دايما

نعووومه ببشرتي ، وكآن الجلد الميّت ، والوسخ الي عالبشره كلّه تقشّر

لكن فاليوم الثاني على طول الاقي حبوب صغييييره طلعت لي

برضو تهيّج وتحسس بشرتي

ولاحظت انها ما تطلع غالبا الا منه !!

فلذلك ماعرف اذا حابته او لا ،

لاني أوقات كثير احتاجه

حابه نتيجه السكرب مره

لكن مو حابه انه يسبب لي حساسيه في خدودي:(

هل معنى كلامي المنتج سيء او كويس؟

كويس ، لكن الي بشرتها حساسه زيي لا تستعمله على منطقه الخدود

يستعمل مره الى مرتين كل اسبوعين

يستعمل على بشره مبلوله.

وبس ♥♥♥

دمتم بحب