diptyque candle review || DIY : how to remove residual candle wax from candle jar.

اهلا

كيفكم؟؟ ❤

كيف كانت الإجازة ؟ وكيف حماسكم للدوام ؟❤

مؤخراً شفت كثير DIY’s على " إعادة تدوير " او " استغلال مساحات "

واكثر شي عجبني ، استغلال الشموع الفاضية ..

لمن صورت لكم فالسناب تشات من فقرة ترتيب غرفتي  ، كثيرررر سآلتوني كيف نظفت بقايا الشمع ..

ف جاء على بالي اكتب لكم

ريفيو عن الشمعة + كيف نظفت الشمع الباقي

لان هذي اول شمعة اشتريها من " ديبتيك " حبيت احتفظ فيها .

الرائحة الي اخترتها ، Amber  عنبر

اشتريتها من مطار جنيف ، ف ناسيه سعرها.

تعتبر دافئة ، مزيج من الاخشاب والباتشولي ونجيل الهند معزز باليانسون

والبخور.

تعتبر غامضه ، ما تشمين كل المكونات بشكل واضح وصريح.

اكثر شي برايي مُلاحظ ، العنبر و الباتشولي ، ودفئ البخور.

اقرب وصف ممكن اوصفه ، تعرفون رائحة الفنادق الفخمة؟ كذا تذكرني...

بالنسبة للفوحان ، اعطيها ٧\١٠

مو مره قويه ، لكن تلّطف رائحة المكان .

و ما لاحظت رائحتها ثابته..

أسعار الشموع من ديبتيك تبدأ من 200 – 250 اظن.

ويختلف حسب الباكجنق لو كان ليميتيد اديشن ممكن اغلى

ولو كان حجم اصغر ممكن اقل سعر.

موجودة عندنا في محل o100

كيف نظفت باقي الشمع ؟

شغلت الشمعة لمن ذاب كل الشمع الي فيها ، و بفوطة ناعمة دخلتها ومسحتها

انتبهوا وقلت ما تمسحون للنار لا تحرق الفوطة .

وبصراحة ما غسلتها ، لان خفت اللوقو او الستيكر الي عليها يتقشر او يروح

وزي ما تشوفون ،، حطيت فيها محددات الشفايف .

مو كلها ، بس الجدد و الي احبهم مؤخراً

عشان تكون قدام عيني

ولو تلاحظون فالصورة ، برضو ورا شمعة ثانية 

نظفتها واستملتها لفرش الميك اب.

أتمنى حبيتوا الموضوع ♥

دُمتكم بحبّ  ♥♥♥


لا تنسون تشوفون اخر فيديو نشرته عاليوتيوب 
https://www.youtube.com/watch?v=GF8SW-93tfY&t=20s