My favorite whitening toothpastes || تبييض الاسنان

بسم الله الرحمن الرحيم.

كثير جاتني أسئلة عن أنواع " معجون " الاسنان الي استعملها .

ولاحظت انه من اكثر المواضيع الي تتحمسون لها ههههه

قررت اكتب لكم تجربتي كااااااملة ، ومن يوم ما بدآ معاي "هوس" الاسنان البيضاء.

بدآ معاي الهوس ، لمن كنت في ثالث متوسط !!

بدآت افرش اسناني بشكل موسوس ، اول ما اصحى ، بعد كل وجبة ، قبل اطلع ، بعد ارجع ، قبل النوم !!

توصل اني افرش اسناني ٧-٨ مرات فاليوم !!

تطورت ، وصرت اهتم برضو بلون الاسنان

كنت دايماً افتح فاليوتيوب مقاطع عن تبييض الاسنان فالبيت.

وبدات في محاولات اقنا ع ابوي اروح اسوي تبييض عند عيادة هههه :(

مدري ليه كان رافض وقتها

طبعاً بعد عنااااء ، أخيرا وافق.

ولمن رحت عند الدكتور ، رفض يسويلي ، على ان لون اسناني طبيعي وما يحتاج :(

زعلت مره :(

بعدها قررت اجرب " لصقات كريست "

شريت اقوى بكج ههههه :(

أتذكر كان ١٤ يوم ، كل لصقة لمدة نص ساعة.

كل ما قلّ الوقت ، صار المفعول اقوى.

وقتها كانت لون اسناني عند رقم ٥ اعتقد .

استمريت عليه كامل يومياً ، او وقفت يومين كذا ( نسيت هالكلام قبل سنين :(!! )

في اول ٤-٦ أيام ، بدت تبين النتيجة!! ♥

الي صار ، ان اسناني بدت تصير مبقعة ، بلون ابيض !!

انبسطت انها جالسه تفتح ،بس خفت من البقع

خلصت الكورس بنتيجة مررررضيه ، وصلت اسناني للون رقم ٣ ♥ ♥ ♥

هل تسبب حساسية ؟؟

خلال الكورس ، ايه

تصير الاسنان " تلج " وكانها كهرب .

عن نفسي تحملت غصب ، بس ماما ما تحملت.

بس بعد الكورس ، الحمدلله ما تحسست.

الشي الي اكرهه فيها ، طعمها ما استحمله !!

يسببلي غثيان .

بس اخر فترة صرت احط داخل فمي قطنه او شي يمنع المادة تنزل للمعدة.

عموماً ، اتغاضى عن كل سلبياتها عشان النتيجة ! ♥

ومن بعدها صرت اشتري بكج ،بس أنواع اخف

شريت حق ساعة ، واستعملته على فترات متقطعة ، اعتقد كان ٢٠ يوم  ، وانا خلصته ب شهر

و بعدها شريت حق ساعتين ، ونسيت كم يوم ، وخلصته بمدة أطول

وصلت الحمدلله الحين اسناني رقم ٢ . ♥

حالياً ، خف الهوس الحمدلله ههههه :(

وصرت اهتم بانواع "معجون " الاسنان.

كريست دااااائماً عندي الأفضل ، جربت كثيرررر

بس ما اشوف نتيجة مرضيه.

خرافات :

معجون الاسنان المخصص للتبييض يستعمل مره واحدة فالاسبوع !

خطآ!! وباستشاره من دكتوري ، مستمره على أنواع قوية من سنين ، والحمدلله ما شفت ضرر.

هل سبق وسويت أي شي في اسناني بعيادة ؟

 قبل كم شهر سويت " تنظيف اسنان " في عيادة.

وفرق معاي لون الاسنان ، بيّن افتح.

وحالياً حابه اني ارجع اعيد تجربتي.

روتيني الحالي :

3D white deluxe || Glamorous white

اولاً ، كل مجموعة الثري دي وايت احبهاً.

لكن احس هذا الاقرب لقلبي

استعمله يومياً ، مرتين الى ٣ مرات فاليوم .

متوفر في كل مكان عندنا ، وبسعر مناسب.

ما اقدر أقول اني شفت نتيجة مذهله من هذا المعجون ، بحكم تجربتي الي ذكرتها.

لكن هو اكثر معجون اشتريه من عندنا وارتحت عليه بس

يعطيني إحساس بالنظاااافه ، ويحافظ على لون اسناني.

  

Crest 3D White || Brilliance

وبعدها ، هذا النوع كمان من مجموعة ثري دي

لكن مو متوفر عندنا " شريته من امازون "

بصراحة الي خلاني اشتريه ، اني شفت قريبتي اسنانها تفتحت بشكل مُلاحظ وسآلتها !

قالت لي انها تستعمل هذا المعجون.

وركض رحت شريت منه ٤ ههههه وهذي ثالث وحدة افتحها.

ايش يميزه ؟

لاحظت يفتح الاسنان خلال الأسبوع.

واحب استعمله في الايام الي اشرب فيها قهوة كثير.

يرجع يسطّع من لون اسناني.

https://www.amazon.com/gp/product/B01DMJOGWI/ref=oh_aui_detailpage_o02_s00?ie=UTF8&psc=1 

Crest Pro-Health HD Daily Two-Steps

أخيراً هذا المعجون برضو من كريست

جذبني انه خطوتين!!

الاول تنظيف ، والثاني تبييض.

وكتوب عالثاني انه  polishing  يعني يلون !!

ف مره تحمست للمنتج وشريته

بصراحة ما تحسفت ابداً

طريقته : افرش  بالاول لمدة دقيقة لدقيقتين ، وما اغسله

بعدها استعمل الثاني ، واتركه ٣ – ٤ دقايق واغسل

النتيجة: يعني شعور عيادة اسنان فعلاً

ينظف تنظيف قووووي واحس فمي باااارد.

واسناني تصير نظظظيفة وبييييضا ومنورة ههههههه

استعمله لو عندي مناسبة الحين الحين.

بفرش اسناني وبطلع.

احب استعمله برضو قبل الارواج الغامقة ، عشان تسطع.

https://www.amazon.com/gp/product/B00R2L69EG/ref=oh_aui_detailpage_o02_s00?ie=UTF8&psc=1

 ---

ومن الأشياء الي ساعدتني بالحفاظ على لون اسناني

استخدام بيكربونات الصوديوم ، كل فترة.

وبس ،

أتمنى انكم استفدتوا .

دمتم بحب ♥ ♥ ♥