بسم الله الرحمن الرحيم
اخيرا رجعت لكم بتدوينه جديدة
نسيت شلون اكتب :( بس هالشي اخيرا اكتشفته عن نظاره البشره
صارلي مده منتظمه على هالماسكين وعجبتني النتائج
اكثر وصف معبر اقوله " بشره بيبي " جمييل
.
.
REN :
هذا الماسك اقدر اسميه " ويني عنه من زمان " وقعت في حاله حب معاه
هو عباره عن مجموعه احماض " الجلايكوليك ، اللاكتيك ، احماض الفواكه الاستوائيه و برضو اوميقا 3 ، 7"ه
هذي الاحماض تساعد على تقشير سطح البشره
لكن بشكل مره لطيف
وجهي بعد الماسك ما يتهيج رغم انه حسااااس
طريقته ضغطه وحطه تكفي كل الوجه
اسوي مساج خفيف ، اتجنب منطقه حول العين و الفم
مكتوب يترك 10 دقايق ، شخصيا اتركه نص ساعه تقريبا
بعدها ب منشفه مبلوله امسحه عن وجهي وانوم
طبعا هو اخر خطوه فاليوم ما احط شي بعده ابدا
اول يوم او يومين بعد الماسك البشره يكون فيها قشور بسسسيطه
ما تبين الا مع الميك اب ، عشان كذا افضل ما تحطينه قبل المناسبه على طول
لاحظت مع استعمالي له بشرتي صارت تعكس النور هههههه
مدري اذا واضح الوصف او لا بس خدي و الذقن وجهي كله عموما احس منور
يستعمل فقط مره فالاسبوع ، لاحظت النتايج بعد ثالث استعمال
لاحظت انه ساعدني اتخلص من الاثار بشكل اسرع
اخذته من صيدليه وايتس سعره 195
بنات خارج المملكه وين تحصلونه؟؟ ما عندي خلفيه
ياليت الي تعرف تكتب في نفس الصوره فانستقرام
........
PETER THOMAS ROTH ; 30X VITAMIN C OF AN ORGAN
هذا الماسك سمعت عليه مدح كثير
فقررت اجربه
المكون الرئيسي فيه طبعا واضح من اسمه
فيتامين سي
معروفه فوائد فيتامين سي للبشره
ترطيب ، نظاره ، تنعيم سطح البشره ، يساعد على توحيد اللون
طريقه استعمال الماسك :
يوضع بكميه مناسبه على البشره و تنامين فيه
او يوضح بكميه راهيه على البشره لمدة 5 - 10 دقايق و يغسل
طريقة استعمالي :
استعملته ثاني يوم بعد ماسك رن و نمت فيه
وحبيييييت النظاره الي صارت فوجهي لمن صحيت
متشربه رطوبه و صحيه مره كانها بشره بيبي
استعملته بطريقه ثانيه
كان عندي مناسبه وحطيته على وجهي تقريبا ساعه الى ساعتين
ما لاحظت فرق .
حبيت اني استعمله وانام اكثر
سعره ماني متآكده بس شي و 200
موجود في سيفورا
هالماسك حمسني اكثر اجرب ماسكات بيتر توماس ولو ان سعرها شوي غالي
لكن بما ان النتيجه حلوه فليش لا
اعتبر هالماسك كنوع من تدليع النفس
اتمنى حبيتو الريفيو ، دُمتكم بود .
هناك 4 تعليقات:
مشكوورة بس الماسك يعني يحتاج فترة اطول عشان تبان النتيجة
مشكوورة بس الماسك يعني يحتاج فترة اطول عشان تبان النتيجة
اكيد كل شي مع الاستمرار تبين نتايجه
بجربهم ان شاءالله
إرسال تعليق